Salma Hayek është personazhi i famshëm më i fundit që i është bashkuar fushatës ‘The Breakfast Project’ (Projekti i mëngjesit) ku promovohet konsumi i qumështit. Aktorja meksikane ishte e shoqëruar në reklamë nga vajza e saj 4-vjeçare Valentina e cila nuk pushonte së qeshuri duke parë mustaqet e bardha prej qumështi të nënës së saj.
Fushata kërkon të nxisë amerikanët të nisin ditën e tyre duke pirë qumësht dhe mos të lënë pa ngrënë mëngjesin, vaktin më të rëndësishëm.
“Edhe pse jam shumë e zënë gjatë gjithë ditës, asnjëherë nuk e lë pas dore ngrënien e mëngjesit”, thotë në reklamë Hayek.
“Të nisësh ditën me një mëngjes të shëndetshëm është gjëja më e mirë që mund të bësh”, shton aktorja.
