Konkurentja nga Vlora ka pranuar se afeksioni i saj me Ermalin në Big Brother Albania 5 nuk është rastësi pasi me të është njohur që më parë.Ermali dhe Françeska rrinë të përqafuar ne krevat dhe i pranishëm atje është edhe Flori, i cili para se të largohet, thotë: “T’ju le njëçikë vetëm puçi-puçi”. Françeska nervozohet nga këto fjalë dhe i thotë se nuk kërkon që ta dëgjojë më që të shprehet në këtë formë. Edhe pasi ikën Flori, dy banorët vazhdojnë të komentojnë. “Me florin merresh ti?!”, shprehet Ermali. Ajo ia kthen duke thënë: “Flori Flori, por doli i 4-ti nga votat e publikut”.Më pas të dy banorët flasin për Klaudjan dhe karakterin e saj. Françeska dhe Ermali nuk kanë simpati për të dhe as për Erionin që rri me të. “Se çfarë i pëlqen ai Erioni asaj? Ajo do të identifikohet si personi më karizmatik brenda”, shprehet Françeska. Më pas flasin për Arjolën e cila i përshëndet nga xhami. Ermali thotë: “Hajt, do ta futim atë në mes?” dhe qesh, ndërsa Françeska thotë se do të ikë në momentin që Arjola do të shkojë atje.Pak më vonë atje shkon Arjola dhe Françeska përfiton për t’u tallur me të. Ajo thotë se e ka njohur Ermalin që jashtë, por këtë gjë nuk duhet ta diskutojë me banorët e tjerë. Arjola i thotë se kur të dalin jashtë, Ermali nuk do t’i flasë as në rrugë, por tani po e mban afër për efekt të lojës. Arjola e beson që dy banorët mund të jenë njohur edhe jashtë dhe se Vëllai i Madh e ka futur Françeskën si banore të infiltruar.Të tre bëjnë shaka me njëri-tjetrin, pasi Arjola u thotë se do t’i vendosë unazat e fejesës.
TCH